د پوهنتون اساسنامې د نولسمې مادې له حکم سره سم د څارنې او ارزونې هیأت د امنا هیأت د څارنیز رکن په توګه د پوهنتون د ټولو علمي، زده کړه ییزو،مالي او اداري چارو هر اړخیزې کتنې، ارزونې او کنترول په موخه په دایمي ډول تشکیلېږي.

د څارنې او ارزونې هیأت جوړښت

1. د پوهنتون د امتیاز خاوندان یا یې با صلاحیته استازي، لږ تر لږه لیسانس سند لرونکي؛
2. یو تن د پوهنیزو یا روزنیزو چارو کارپوه؛ د فوق لیسانس یا دکتورا سند لرونکی؛
3. یو تن د مالي او مدیریتي چارو کارپوه؛ د فوق لیسانس یا دکتورا سند لرونکی؛
4. یو تن د اقتصادي او احصایوي چارو کارپوه.

د څارنې او ارزونې هیأت دندې او واکونه

1. د پوهنتون د زده کړه ییزو، مدیریتي، استخدامي، اداري، مالي او روزنیزو چارو کتنه؛
2. د پوهنتون د(مرکز او څانګې) د کلنۍ بودجې او تشکیل ترتیب او د تصویب لپاره علمي شورا ته وړاندې کول؛
3. د کارمندانو د حقوقو او مزایاوو د تعرفې تعیین او د علمي هیأت غړو د معاشاتو او امتیازاتو د تنظیم د لایحې تدوین او د تصویب لپاره علمي شورا ته وړاندې کول؛
4. د پوهنتون د ګومارنې پر بهیر او تصویب شوې بودجې څارنه او مراقبت؛
5. د پرسونلي چارو کتنه او څارنه او د استادانو او کارمندانو د ټولو کلنیو کړنو ارزونه او امنا هیأت ته یې راپور ورکول؛
6. په پوهنتون کې د اړینو زده کړه ییزو، اداري او مدیریتي ستندردونو د پلي کولو په برخه کې لارښوونه او همکاري؛
7. په دوره یي او موردي ډول په کابل او ولایتونو کې د پوهنتون د ټولو زده کړه ییزو، اداري او مالي برخو پلټنه او کتنه او د هر ډول سرغړونې په صورت کې د اړین اقدام ترسره کول؛
8. د پوهنتون د ټولو مالونو او ملکیتونو پلټنه او کتنه او د پوهنتون په نوم د اړوند اسنادو تنظیم؛
9. د پوهنتون له دارایي څخه د سمې او مشروع ګټې اخیستنې په برخه کې اړینې کړنې او د پوهنتون لپاره د ظرفیتونو او تولیدي او عایداتي سرچینو ایجاد؛
10. په مرکز او څانګو کې د پوهنتون د علمي کادر غړو، مرستیالانو، آمرینو او مدیرانو د ګومارلو، عزل او تعلیق په اړه د تأيیدي نظر څرګندول؛
11. د هغو لایحو او مقرراتو د تدوین، تعدیل او تغییر وړاندیزول چې د پوهنتون لپاره مالي بار رامنځته کوي؛
12. د امنا هیأت لخوا په ځانګړو سپارل شویو مواردو کې د څارنیزو دندو ترسره کول.