ستوماتولوژي پوهنځی د پرستوډنټیک او د غاښونو داخلې دوه ډیپارټمنټنو په درلودلو سره په ۱۳۹۵ کې رامنځته شو. چې دا دواړه ډیپارټمنټونه د ستوماتولوژي پوهنځي تر چتر لاندې فعالیت کوي. د دې پوهنځي اصلي موخه د غاښ جوړونې په برخه کې د مسلکي او ژمنو ډاکټرانو روزنه ده ترڅو وکولی شي د افغانستان خلکو ته معیاري او با کیفیته روغتیایي خدمات وړاندې کړي. په یاد پوهنځي کې زده کړه د علمي او عملي معیارونو پر بنسټ ده او د مجربو استادانو لخوا پرمخ وړل کیږي د دکتورا او ماسټري سند لرونکي 3 تنه کادري او 11تنه قراردادي استادان پکې په تدریس بوخت دي.د دې پوهنځي استادان توانیدلي چې په ملي او نړیوالو باوري سایټونو او ژورنالونو کې له 20 زیاتې علمي مقالې ثبت کړي. ستوماتولوژي پوهنځی له 500 څخه زیات برحال زده کړیالان لري او 403 زده کړیالان له دې پوهنځي فارغ شوي دي. ددې څانګې فارعان کولی شي په روغتونونو، دولتی او خصوصي کلینیکونو کې کار وکړي او یا هم په پوهنتونونو او څیړنیزو مرکزونو کې تدریس وکړي. د لوړو زده کړو وزارت په رسمي مجوز سره د دې پوهنځي ډیپارټمنټونه په کلینیک او پاراکلینیک ديپارټمنټونو تبدیل شوي دي.

اقتصاد پوهنځی په 1388کال کې د اقتصاد او سوداگریز مدیریت دوه څانګو په درلودلو سره رامنځته شو او دغه دوه برنامې د اقتصاد پوهنځي تر چتر لاندې د متخصص، ژمن او د اقتصاد له علمي او عملي اصولو سره د بلد ځواک په موخه فعالیت کوي. دا پوهنځی د لوی اوکوچني اقتصاد، مالي مدیریت، اقتصادي پلانګذاري اوسوداګرۍ په برخه کې بیلابیلې زده کړه ییزې برنامې په لاره اچوي ترڅو زده کړیالان له اقتصادي تحلیلونو، مالي تصمیم نیونې او نویو مدیریتي مهارتونو سره بلدتیا پیداکړي.

پدې پوهنځي کې زد کړه د عمل او نظریې ترمنځ یو ترکیب دی، چې کارځایونه، موردي مطالعې، څیړنې او عملي پروژې پکې شاملې دي ترڅو زده کړیالان وکولی شي د ټولنې رښتیني اقتصادي مسائل تحلیل او حل کړي. د یاد پوهنځي فارغان کولی شي د مالي چارو اړوند وزارتونو، دولتي او خصوصي بنسټونو، مالي او د پانګې اچونې مؤسساتو، بانکونو، شرکتونو، صنعتي، تولیدي او سوداګریزو نهادونو او نړیوالو سازمانونو کې فعالیت وکړي. اقتصاد پوهنځی اوس مهال ۱۲۲برحال زده کړیالان لري او تر ۴۰۲ زده کړیالان له دې پوهنځي فارغ شوي دي.په یاد پوهنځي کې د دکتورا او ماسټري سند لرونکي ۶ تنه کادري او ۱۲ تنه قراردادي استادان په تدریس بوخت دي.د دې پوهنځی استادان توانیدلي چې په ملي او نړیوالو باوري سایټونو او ژورنالونو کې له ۵۰ زیاتې علمي مقالې ثبت کړي.