د پلان او پالیسي اصلي کميټې د دندو شرح د پلان او پالیسي اصلي کمیټې د دندو د لایحې پر بنسټ په دوه برخو « تصمیم ګیري او اجرایي فعالیتونو» کې تنظیم شوې ده.
پریکړې په کمېټه کې نیول کیږي او د کميټې ټولې اجرایي چارې او د مصوبو تعقیب د اړوند آمریت پواسطه ترسره کیږي.

1. 1. د کمېټې د ناستو د مهالویش چمتو کول او تصویب؛
   2. د کمېټې د عملیاتي پلان چمتو کول او تصویب؛
   3. د هر تحصیلي کال په پيل کې د کمېټې د غړو د منظوري بیاکتنه؛
   4. د کمېټې د مصوبو دفتر او د تطبیق راپور چمتو کول؛
   5. عالي شورا ته د وړاندې کولو لپاره د پوهنتون د عملیاتي پلان د پلي کولو د راپور چمتو کول؛
   6. د هم فکري او همکاري ناستو له لارې د پلانونو او فعالیتونو د محتوی او د اجراکولو د ډول څخه د پوهاوي ورکول؛
   7. د پوهنتون له نورو اړینو اسنادو سره د پلانونو همغږي کول؛
   8. د اړتیا او غوښتنې په صورت کې د اجرایي واحدونو لارښوونه؛
   9. د اجرایي واحدونو په تفکیک سره پر خپل وخت د کلنیو شاخصونو استخراج، تصویب او تائید؛
   10. د پوهنتون له ستراتیژیک پلان سره د څانګو د ستراتیژیک او عملیاتي پلان له چمتوکولو او مطابقت څخه څارنه؛
   11. د ټولو څانګو په عملیاتي پلان کې د درج شویو کړنو له ښې اجرا څخه څارنه؛
   12. د لرلید، مأموریت، موخو او ارزښتونو پرلور د ټاکل شویو مسیرونو په برخه کې د پوهنتون د غړو له چارو څارنه؛
   13. د څارنې او ارزونې د کلني او سمستروار پلان چمتو کول او تطبیق؛
   14. د ستراتیژیک پلان د محتوایي، شکلي او اجرایي خنډونو او ستونزو پیژندل؛
   15. د لوړ فکر او مهارت لرونکو یا ژمن او وفادارو غړو پیژندل او د دوی د مادې او معنوي هځونې وړاندیزول؛
   16. له چاپیریالي بدلونونو سره د ستراتیژیک پلان او برنامو د بیاکتنې او مطابقت وړاندیزول او د اصلاحي اقداماتو او جبراني فعالیتونو تشخیص؛
   17. د څانګو ترمنځ د اغیزمنو اړیکو ټینګول؛
   18. د پوهنتون له مالي کمېټې سره د عملیاتي پلان د بودجه بندي په برخه کې همکاري؛
   19. په ربعوار او کلني ډول د ستراتیژیو د پلي کولو، پرمختګ او لاسته راوړنو څخه د راپور چمتو کول؛
   20. لوړو زده کړو وزارت د پلان، پالیسي او تقنین ریاست ته د استولو په موخه د کلني عملیاتي پلان د پلي کولو د راپور تعقیب او تصویب؛
   21. د کمیټې اړوند ټولو فورمونو او فارمټونو پر وخت ترتیب، تنظیم او ساده کول
   22. د پوهنتون د( ارزونې کمیټې) له ټیم سره همکاري؛
   23. د لوړو زده کړو له ملي ستراتیژیک پلان، د اړوند مؤسسې له ستراتیژیک پلان او نورو مهمو او اړینو اسنادو سره بشپړ آشنایي.