خاتم النبیین(ص) پوهنتون د یوه علمي او اکاډمیک مرکز په توګه د خپل لس کلن علمي فعالیت په ترڅ کې په بیلابیلو علمي برخو کې د غښتلي علمي کادر په لرلو سره د هیواد علمي ټولنې ته ارزښتمن علمي ویاړونه او لاسته رواړنې لرلې دي.د افغانستان اسلامي جمهوریت د لوړو زده کړو وزارت په لومړۍ علمي ارزونه کې یې د هیواد په څلورو غوره پوهنتونونو کې له امریکایي پوهنتون وروسته ترټولو غوره مقام ترلاسه کړ.

خاتم النبیین(ص) په دوه څانګو مرکز کابل او غزني کې د لس کلن فعالیت په ترڅ کې په بیلابیلو علمي برخو کې د وړ او غوره علمي کادر په لرلو سره علمي او څیړنیز ویاړونه د هیواد علمي ټولنې ته وړاندې کړي دي.
دادی د دې فعالیتونو او ویاړونو څو بیلګې د علم او لوړو زده کړو علاقمندانو ته وړاندې کوو:

۱- د لوړو زده کړو محترم وزارت د ارزونې په برنامه کې د غوره او دویم مقام ترلاسه کول. دغه ارزونه ښيي چې خاتم النبیین(ص) پوهنتون د هیواد د خصوصي پوهنتونونو په منځ کې لومړی او د افغانستان امریکایي پوهنتون نه وروسته دویم مقام ترلاسه کړی.

۲- له شپږو دورو څخه زیات په مختلفو فني،طبي او ټولنیزو علومو(حقوق، سیاسي علومو، اقتصاد او مدیریت، قرآني علومو او حدیث، کمپیوټر ساینس،او ټولنپوهنې) برخو کې د لیسانس په کچه او دوه دورې د جزا او جرم پیژندنې، نړیوالو حقوقو او نړیوالو اړیکو په څانګو کې د ماسټري او فوق لیسانس په کچه ټولنې ته د فارغانو وړاندې کول.

۳- په دولتي ادارو او علمي مرکزونو کې د انساني ځواک روزنه او تأمین:ددې پوهنتون له ۴۰ سلنه څخه زیات فارغان چې له لیسانس دورې څځه فارغ شوي د هیواد په بیلابیلو علمي او اداري مرکزونو کې په کار او خدمت بوخت دي،او د ماسټري دورې تر شلو پورې فارغان یې د هیواد د لوړو زده کړو په مرکزونو کې په تدریس او اکادمیکو فعالیتونو بوخت دي.

۴- په څیړنیزه او علمي برخه کې د غوره مقام ترلاسه کول: خاتم النبیین (ص) پوهنتون د محمودطرزي په دری پړاوه علمي جشنوارو کې د غوره څیړنیزو آثارو د جایزې په ترلاسه کولو بریالی شو،همدارنګه د محصلینو په علمي سیالیو کې هم دغه پوهنتون لومړی مقام خپل کړ.

۵- خاتم النبیین (ص) پوهنتون د درسي کتابونو او ښوونیزو متنونو د خپرولو او چاپ په برخه کې د خپل لس کلن علمي فعالیت په ترڅ کې وتوانید چې د حقوقو، سیاسي علومو، اقتصاد او مدیریت په برخه کې پنځه ټوکه درسي کتابونه او ښوونیز متنونه د هېواد د لوړو زده کړو کورنۍ ته وړاندې کړي.

۶- د استادانو او علمي کادر د ظرفیت لوړولو په برخه کې هم خاتم النبیین (ص) پوهنتون مخکښ دی، دا مهال دغه پوهنتون څه باندې ۶۰ تنه تجربه لرونکي او با استعداده علمي کادر لري چې تخصصي دوکتورا او ماسټري لري او د لومړي ځل لپاره یې په هیواد کې د ماسټرۍ په کچه استادانو په درلودلو سره د لوړو زده کړو په برخه کې تدریس پیل کړ. د ګرانواستادانو لپاره له لسو څخه د زیاتو دوکتورا بورسونو اجرا د دې علمي مرکز له ویاړونو څخه دي.

۷- د ماسټرۍ دورې په بېلابېلو برخو کې له هیواد څخه بهر له سلو څخه د زیاتو محصلانو استول د دې مرکز له نورو علمي ویاړونو څخه دي، دا بورسونه د بهرنیو پوهنتونونو سره د رسمي هوکړه لیک له لارې د پوهنتون د فارغانو لپاره چمتو او اجرا شوي.