د خاتم النبیین(ص) پوهنتون د افغانستان د خصوصي پوهنتونونو په لړ کې یو باوري او کیفیت لرونکی پوهنتون دی، چې په ۱۳۸۶لیږدیز لمریز کال کې د هیواد د نامتو عالم مرحوم حضرت آیت‌الله‌العظمی محمدآصف محسنی(ره) او یو شمیر د پوهې مینوالو په هڅو د لوړو زده کړو وزارت څخه د رسمي جواز په ترلاسه کولو سره رامنځته شو او د ۱۳۸۷ کال په پسرلي کې يې د فقه او حقوقو پوهنځي لومړۍ دورې محصلینو په جدب سره خپل علمي او اکاډمیک فعالیت پیل کړ. له دې پوهنتون څخه له جوړیدو تراوسه د ۴۱۸۶ په شمیر محصلین د لیسانس او د ۱۰۱۴ په شمیر محصلین د ماسټري په کچه فارغ شوي دي.اوس مهال د مرکز او غزني څانګې د لیسانس او ماسټري په ۱۲ تحصیلي څانګو کې تر څوارلس زره محصلین په کې په زده کړو بوخت دي. ددې پوهنتون محصلین د فقه او حقوقو، سیاسي علومو، قرآني علومو، سوداګریزاقتصاد، سوداګریز مدیریت، سیول انجنیري، برق انجنیري، سافټویر انجنیري، معلوماتي ټکنالوژي، معالجوي طب، د غاښونو طب، طبي ټکنالوژي او قابلګي په څانګو کې د لیسانس او همداشان د نړیوالو اړیکو، نړیوالو حقوقو او جزا او جرم پيژندنې په برخو کې د ماسټري په کچه په زده کړو بوخت دي.

خاتم النبیین (ص) پوهنتون د مناسب علمي او څیړنیز چاپیریال، امکاناتو او نویو تجهیزاتو په چمتو کولو سره د ترټولو ارزښتمنو غیردولتي مرکزونو څخه دی، چې د استادانو او وړ کسانو د همکاري، تدریس او څیړنې زمینه یې برابره کړې ده،اوس مهال په دې پوهنتون کې له ۶۰ څخه زیات استادان د دایمي علمي هیأت او ۱۵۰ تنه قراردادي استادان د دکتورا او ماسټري زده کړو په لرلو سره په تدریس او څیړنه او له سلو زیات کسان په مختلفو اداري، خدماتي او محافظتي برخو کې په کار بوخت دي.